نشره اخبار الخامسه والعشرون بطريقه رياضيه

بسم الله الرحمن الرحيم
اتعس الله مسائكم و نشره اخبار الخامسه و العشرون يقدمها لكم الاعلامى الكبير شادي ابو حفيظه
و نبدأ النشره بالعناوين
--
1 - ارسين فينجر و سياسته فى جلب اللاعبين
2 - مانشستر يونايتيد بيطلعوا الجنيه بالعفيه و مانشستر سيتى الجنيه بيقع منهم و هما ماشيين
3 - تشيلسى مظبطه حالها مع بيرلو و انشيلوتى عايز خطه الجوهره
4 - ليفربول مديونه و لسه عايزين لاعبين كبار
5 - مروان فلاينى يعترف انه بيقلد احمد مكى
--
الخبر الاول
1 - ارسين فينجر و سياسته فى جلب اللاعبين

ارسن فينجر باع العديد من نجومه المشهورين فى الفريق و بوظ الفريق خالص و بيقول السبب وراء بيع اديبايور و توريه هو وصل النور الى
بقا عالى جداً لان اللاعبين و هما نايمين محتاجين كهربا و نور شغال ليل و نهار و ارسن فينجر معهوش حق وصل النور الى كل شهر بيزيد
علشان عنده فابريجاس بيخام من اديبايور و توريه فقرر بيعهم للفرق الى عوزاهم و قال انا فريقى كده قل و لازم اجيب لاعبين و راح على
الصحافه و وضع نشره باللاعبين المطلوبين و وضع خواص اللاعب و هى
1 - ان اللاعب لا يزيد عمره عن 18 سنه ولا يقل عن 18 سنه
2 - مش عايزين لاعبين عندهم 18 سنه
3 - لازم اللاعب يكون فرنسى والا ورحمه امى ما هيشوف النجيله .
--
2 - مانشستر يونايتيد بيطلعوا الجنيه بالعفيه و مانشستر سيتى الجنيه بيقع منهم و هما ماشيين

مانشستر يونايتيد الانجليزى بالمدرب السير اليكس فيرجسون علل سبب تركه لكرستيانو رونالدو و قال ان كرستيانو بيقضى وقته فى السرير
اكتر ما بيجى النادى ,, و لما سألناه عن سبب مغادرة تيفيز و رحيله الى مانشستر سيتى قال انا قلتله يجى يدعكلى ظهرى وانا بستحمى و
رفض و كمان تانى سبب ان الجنيهات مش لاقيينها بتختفى كل يوم و اوضح ان السبب فى اختفاء الجنيهات هى العمله الجديده فى مصر و هى
الجنيه المعدن الى بيقع من المواطنين و هما ماشيين و ده كمان السبب الى خلى مانشستر سيتى يجى له لاعبين كتير بالذات روبينيو لما كان
ماشى ورا مارك هيوز و لقى الجنيهات دى معاهم قال ده المدرب بس بياخد كل دول امال رئيس النادى بياخد اد ايه ؟
--
3 - تشيلسى مظبطه حالها مع بيرلو و انشيلوتى عايز خطه الجوهره

اكد مدرب تشيلسى الجديد كارلو انشيلوتى انه يريد بيرلو علشان عايز يعمل خطه الجوهره الى هيا 4 / 4 / 2 و الخطه مش هتنفع من غير
بيرلو لان بيرلو جوهره طيب و نضيف علشان كده انشيلوتى محتاجاه و لان انشيلوتى و هوا مريح فى بيته مراته كانت عايزه منه جوهره
و مكانش معاه غير الفلوس الى هيجيب بيها بيرلو فخلعته و اخدت الشقه بوضع اليد و ماباقاش مع انشيلوتى غير ال7 جنيه الى كان هيشترى
بيهم واحد بيرلو من اى سى ميلان الى على الناصيه .
--
4 - ليفربول مديونه و لسه عايزين لاعبين كبار

تكفير غريب من المدرب رافا بينيتز انه عايز يجيب دافيد فيا و يبيع شابى الونسو و لما سألناه انتا ليه عايز تعمل كده قال اصل فيرناندو توريس
مبيعرفش يعيش من غير فيا حتى و هما فى الملعب لازم يكونوا لازقين فى بعض

ولان لما كل واحد فيهم بيبقى فى فريق لوحده بيكون كل واحد فيهم تايه و مش عارف هوا رايح فين و ده بان على دافيد فيا فى مباراه
اسبانيا الاخيره الى ملعبش فيها فيرناندو توريس و كان ديفيد فيا محطم نفسياً و مكنش عارف هوا رايح فين و هوا ماشى راح خابط فى
الشبكه

و قال للمدرب الاسبانى اشوف فيك يوم انت يالى حطمت قلبين ملهمش غير بعض .
--
5 - مروان فلاينى يعترف انه بيقلد احمد مكى

مروان فيلاينى اعترف فى التصريح الاخير له و قال انه بيحب احمد مكى و هو من اكبر محبيه و ده كان السبب وراء شعره الكنيش ده الى
بيمشى بيه فى الملعب و لما رحنا عند احمد مكى لاقيناه رافض فكره تقليده تماما و بيقول كده مش بيس يا فيلاينى خليك كول و متحاولش
تبقى اى حد تانى غير نفسك دور فى نفسك جوا نفسك و لكن فى الحقيقه فيلاينى حسيناه اتهز مباراه و حلق شعره كله على الزيرو و لكنه
المباراه الى بعدها رجع شعره كنيش زى ما كان و ده الى خلى احمد مكى متضايق جداً و حاول يغير مكى فى شكله فى فيلمه الجديد طير انت
ولكن لقى ان فيلاينى مغيرش شعره برضه فزود احمد مكى الزرع الى فى شعره كتير اوى و بيقول هنشوف مين شعره اطول انا ولا انت
يا فيلاينى .

--
هكذا سيداتى سيداتى لحد ما يطلع راجل يعترض كلامى تكون انتهت نشره اخبار الخامسه و العشرون لليوم
الى ان نلقاكم فى حلقه جديده ..

( عندنا فائض فى الميزانيه هنوفر ليه فى الانفاق .. اعيادنا هتبقى يوميه و الدبدوب هيقول واك واك )
--
تحياتى لكم