الرئيسية
إلى مواليد من 1985 إلى 1995
لو كنت من مواليد من 1985 الى 1995 أحب أعرفك بنفسك وأرجعك لأيام حلوه عشتها تعالا بسرعه نفتكرها سوا :
لولقيت فيك اى صفه من الصفات السابقه يبقى انت اكيد عمرك بين 1985 الى 1995 وممكن يكون فيه صفات تانيه كتيره لو انا نسيتها ياريت تفكرونى بيها ..... ويارب يكون الموضوع عجبكم
لو كنت من مواليد من 1985 الى 1995 أحب أعرفك بنفسك وأرجعك لأيام حلوه عشتها تعالا بسرعه نفتكرها سوا :
- لو شاهدت فى طفولتك إحدى أفلام الكرتون التاليه ( كابتن ماجد - جريندايزر - النمر المقنع - مازنجر - ليدى - كرتون الفواكه - أستاذنا أيمن - الدولفين )
- لو عايشت الصراع على المركز الاول فى اسواق الكاسيت بين عمرو دياب ومحمد فؤاد
- لو كنت وقفت فى البلكونه العصر وشغلت الكاسيت بصوت عالى ولعبت كوتشينه مع اخواتك
- لو كنت اشتريت تى شيرت عمرو دياب المشهور بتاع اغنية تملى معاك بالوانه المشهوره ( كحلى - ابيض - اسود )
- لو كنت شاهدت فى رمضان ( بوجى وطمطم - سلاحف النينجا - فوازير عمو فؤاد - فوازير شيريهان ونيللى - فوازير فطوطه وسمره - فوازير مناسبات )
- لو كنت وانت صغير بتخاف من ( الأشكيف )
- لو كنت اشتريت اللبان السحرى وكنت تستغرب اوى ازاى لونه بيتغير بعد مضغه .
- لو كنت فى يوم من الايام مستنى فيلم كرتون على القناه الثانيه وظهرتلك المذيعه حياة عبدون وقالتلك ( أعزائى الأطفال ادعوكم ان تلتفوا حول شاشة القناة الثانيه وأعدكم ألا تديروا مؤشر القناة الثانيه ).
- لو فى يوم من الايام كنت بتتفرج على برنامج اطفال ولقيته فجأة إتقطع وجه مكانه اهم الانباء او النشره او مجلس الشعب .
- لو كنت اتفرجت على برنامج ما يطلبه الأطفال .
- لو حذروك فى البيت و فى المدرسه انك تشترى لوليتا اللى كانت ببريزه ومع ذلك كنت بتشتريها برضه .
- لو غنيت الاغنية دى فى اى حفله فى المدرسه وانت صغير ( بالحب اتجمعنا والدنيا هتسمعنا والليله اول اعيادنا )
- لو حلقت شعرك كابوريا .
- لو كنت حبيت اغانى زى ( لولاكى - عائشه - ايه الاساتوك ده - ديدي )
- لو شربت صناديق كوكاكولا ( عشان تكمل كلمة ما تقولش حاجه ساقعه قول كوكا كولا ) وشربت الاف الزجاجات فى رحلة البحث عن الجادون
- لو كنت تحفظ مسرحيتى العيال كبرت ومدرسة المشاغبين عن ظهر قلب
- لو كنت شاهدت احدى الاعلانات التاليه ( اعلان كوفرتينا بتاع العروسين - اعلان عبد الرحيم عمرو وهأتجوز - إعلان كيتو ده اسم القرص كيتو نام - إعلان مسرحية الزعيم بعادل امام وهو يجلس على الكره الارضيه بشبشبه المشهور
لولقيت فيك اى صفه من الصفات السابقه يبقى انت اكيد عمرك بين 1985 الى 1995 وممكن يكون فيه صفات تانيه كتيره لو انا نسيتها ياريت تفكرونى بيها ..... ويارب يكون الموضوع عجبكم
